"Mámleketlik qáwipsizlik xızmeti kubogi"
2026-05-26 23:00:00 / Министрлик
"Mámleketlik qáwipsizlik xızmeti kubogi" jarısınıń rayonlıq basqıshı jeńimpazların sıylıqlaw máresimi
Xojeli rayonı hákimlik janındaǵı Mádeniyat saxnasında rayon hákimi J.Ermashev, MQX rayonlıq bólim baslıǵı A.Erimbetov, IIB baslıǵı orınbasarı R.Askarov sporttıń futbol hám mini-futbol túri boyınsha 2026-jılǵı "Mámleketlik qáwipsizlik xızmeti kubogi" jarısınıń rayonlıq basqıshı jeńimpazların sıylıqlaw máresimine qatnastı. Bunda, rayon aymaǵındaǵı 28 máhálleden eń kúshli esaplanǵan komandalar óz-ara bellesip, qızǵın keshken oyınlar barısında jaqsı nátiyjeler kórsetti. Jeńimpazlar shólkemlestiriwshiler tárepinen kubog, medal hám qımbat bahalı sawǵalar menen sıylıqlandı. Sonıń menen birge oyınlardı ádil hám belsendi basqarıp barǵan tóreshi toparı aǵzalarına da qımbat bahalı sawǵalar tapsırıldı.