Qaraqalpaqstan Respublikası Xojeli rayonı hákimligi

Perzent - ómirimizde hesh nársege teń kelmeytuǵın biybaha baylıq, kózimizdiń quwanıshı, erteńgi kúnimizdiń iesi. Álbette, balalardı qásterlew, olardı hár tárepleme bárkamal etip tárbiyalaw bárshemizdiń muqáddes minnetimiz bolıp esaplanadı. Dúnya balalar kúlkisi menen gózzal. Ásirse, «1-iyun - Xalıqaralıq balalardı qorǵaw kúni»nde elimiz balalardıń kúlkisi menen jáne de jaynap ketedi. Usınday oyın-zawıqlarǵa tolı bayramlardiń biri Xojeli rayonı orayında jaylasqan balalar maydanshasında shólkemlestirilip, perzentlerimizdiń júzi quwanıshqa bólendi. Ilájǵa rayon hákiminiń orınbasarı X.Xalmuratov hám "Insan" sociallıq xızmetler orayı baslıǵı Z.Xojamuratova qatnasıp, balalarımızǵa tayarlanǵan bayram sawǵaların tapsırdı.