Xojeli rayonı "Shukrullaeva Tolǵanay" fermer xojalıǵında kórgizbeli seminar ótkerildi
2026-02-20 17:00:00 / Министрлик
Húrmetli Prezidentimizdiń 30.12.2024-jılǵı "Awıl xojalıǵı maydanlarındaǵı qosımsha imkániyatlardan paydalanǵan halda ónim jetistiriwdi kóbeytiwge baylanıslı
is-ilájlar haqqında"ǵı PQ-465-sanlı qararınıń orınlanıwın támiyinlew maqsetinde Xojeli rayonı "Shukrullaeva Tolǵanay" fermer xojalıǵında kórgizbeli seminar ótkerildi. Oǵan Qq.R. fermerler keńesi baslıǵınıń orınbasarı A.Ajimov, rayonlıq fermerler keńesiniń baslıǵı U.Nazarxanov, awıl xojalıǵı tarawınıń qánigeleri hám fermer xojalıqlarınıń basshıları qatnastı. Iláj dawamında rayondaǵı jer resurslarınan aqılǵa uǵras hám nátiyjeli paydalanıw, atız shetindegi bos maydanlardı ózlestiriw, kollektor-drenaj tarmaqları átirapınan ónimli paydalanıw hám eksportqa jaramlı ónimler jetistiriw máseleleri haqqında aytıldı. Sonday-aq, qıytaq jerlerden nátiyjeli paydalanıw, xalıqtı azıq-awqat ónimleri menen turaqlı támiyinlew, qosımsha ónim alıw hám dáramattı arttırıw boyınsha ámeliy usınıslar berildi.