Bunıń ushın my.uzbmb.uz platformasınıń "Joqarı hám professional bilimlendiriw mákemelerine qabıllaw" bólimine kirip, "Xızmetten paydalanıw" túymesi basıladı hám "JOO tańlaw" bólimine ótiledi.

✅ Dáslep abiturient "Tańlaw ústinligi" hám "Maqsetli qabıllaw" boyınsha óz tańlawın ámelge asıradı.

Bunnan keyin abiturient test tapsırǵan pánler kompleksi hám bilimlendiriw tiline sáykes bolǵan besewge shekem joqarı bilimlendiriw mákemesi hám bilimlendiriw baǵdarın bilimlendiriw túri menen birge tańlaydı.

Bunda bilimlendiriw baǵdarların bir joqarı bilimlendiriw mákemesi yamasa túrli joqarı bilimlendiriw mákemeleri sheńberinde tańlaw múmkin.

 Bilimlendiriw baģdarların tańlap, "Saqlaw" túymesi basılǵannan soń maǵlıwmatlardı tastıyıqlaw ushın abiturienttiń telefon nomerine SMS xabar jiberiledi. SMS xabardaģı kodtı baģdarlamaģa kirgiziw arqalı maģlıwmatlar tastıyıqlanadı.

Maģlıwmatlar tastıyıqlanģannan soń,  "Abiturient dizimge alıw beti" qáliplesedi. Dizimge alıw betinde abiturient tańlaģan tańlaw ústinligi, bilimlendiriw túrleri, joqarı bilimlendiriw mákemeleri hám bilimlendiriw baģdarları jazılģan boladı. Júklep alıw túymesi arqalı abiturient dizimge alıw betin júklep alıwı múmkin.

Abiturientler bilimlendiriw baģdarlaın tańlaw múddeti juwmaqlanǵanģa shekem óz maǵlıwmatların ózgertiwleri hám dizimge alıw betin qayta júklep alıwları múmkin.

✍️ Abiturientlerdiń studentlikke usınıs etilgen yamasa etilmegenligi haqqındaǵı juwmaqlawshı tańlaw nátiyjeleri bilimlendiriw baģdarların tańlaw tolıq juwmaqlanǵannan soń bir hápte múddette járiyalanadı.

👍 Bilimdi bahalaw agentligi barlıq abiturientlerge tabıslar tileydi!