Bunda maǵlıwmatlardı tastıyıqlaw ushın abiturienttiń telefon nomerine SMS xabar jiberiledi hám SMS xabardaǵı kodtı baģdarlamaǵa kirgiziw arqalı maǵlıwmatlar tastıyıqlanadı.

 Dizimnen ótiwde paydalanılǵan (sistemaǵa kirgizilgen) telefon nomerisiz maǵlıwmatlardı tastıyıqlap yamasa ózgertip bolmaydı.

Eger abiturient basqa shaxstıń telefon nomeri arqalı dizimnen ótetuǵın bolsa, telefon nomerine iyelik etiwshi shaxsta abiturienttiń maǵlıwmatlarına ózgeris kirgiziw imkaniyatı boladı.

 Sol sebepli abiturientler dizimnen ótiwde óz telefon nomerinen paydalanıwı hám telefon nomerin basqa shaxslarǵa bermewi lazım.

 Sonday-aq, abiturientler dizimnen ótiwde ózi eslep qalatuǵın, qáwipsiz paroldan paydalanıwı hám onı esten shıǵarmawı maqsetke muwapıq.