Bunda abiturientler óz tańlawı boyınsha test sınaǵı nátiyjesinde toplaǵan balınan kelip shıǵıp, dáslep joqarı bilimlendiriwdiń bakalavriat tálim baǵdarlarına, soń professionallıq bilimlendiriw mákemelerine oqıwǵa kiriw ushın tańlawda qatnasadı.

 Joqarı hám professionallıq bilimlendiriw mákemelerine oqıwǵa qabıllaw boyınsha kiriw imtixanları iyul-avgust aylarında ótkeriledi.

✅ Mámleketlik joqarı bilimlendiriw mákemeleri bakalavriatına qabıllaw procesi tómendegi 2 basqıshta ámelge asırıladı:

1-basqıshta abiturientler hár jılı 5-iyunnan 25-iyunǵa shekem (25-iyun kúni de) test sınaǵı tapsırıw ushın dizimnen ótedi hám de test sınaǵı tapsırılatuǵın pánler kompleksi, tálim tili hám test tapsırıw aymaǵın hám de kiriw imtixanları quramında kásiplik (dóretiwshilik) imtixan bolsa, usı imtixandı tapsıratuģın mámleketlik joqarı oqıw mákemelerin tańlaydı.

2-basqıshında abiturientler test sınaqları tolıq juwmaqlanģannan soń 15 kun dawamında joqarı bilimlendiriw mákemesi, bakalavriat bilimlendiriw baģdarı hám bilimlendiriw túrin tańlaydı. Joqarı bilimlendiriw mákemesi, bakalavriat bilimlendiriw baģdarı hám bilimlendiriw túrin tańlamaģan abiturientler juwmaqlawshı tańlawģa  jiberilmeydi.

Professionallıq bilimlendiriw mákemelerinde oqıw tilegin bildirgen abiturientler professionallıq bilimlendiriw mákemelerin, kásip hám qánigelikti hám bilimlendiriw túrin JOOlarına qabıllawdıń juwmaqlawshı nátiyjesi járiyalanģannan soń 10 kún múddette tańlaydı.