Milliy sertifikat imtixanı nátiyjeleri járiyalandı
2026-01-27 19:45:00 / Министрлик
Talabanlar óz nátiyjelerin my.gov.uz saytınıń "Mening arizalarim" bólimi arqalı biliwi hám sertifikattı elektron túrde júklep alıwı múmkin.
Test nátiyjeleri xalıqaralıq metodika - Rash modeli tiykarında esaplanǵan bolıp, talabanlarǵa toplaǵan balı tiykarında tómendegi sertifikat usınıladı:
🔹 70 baldan joqarı ball - A+ dáreje;
🔹 65 - 69,9 ball - A dáreje;
🔹 60 - 64,9 ball - B+ dáreje;
🔹 55 - 59,9 ball - B dáreje;
🔹 50 - 54,9 ball - C+ dáreje;
🔹 46 - 49,9 ball - C dáreje.
✔️ Sertifikatqa iye abiturientlerge JOOlardıń bakalavriatına kiriw test sınaqlarında tómendegi tártipte ball beriledi:
A+, A dárejeli sertifikat ushın - tiyisli qánigelik páninen maksimal ball;
B+, B, C+, C dárejeli sertifikat ushın - tiyisli qánigelik páninen proporcional ball;
A+, A, B+, B, C+, C dárejeli sertifikat ushın - tiyisli májbúriy pánnen maksimal ball.
Akademiyalıq liceylerge kiriw test sınaqlarında sertifikatı bar oqıwshılarǵa tiyisli pánnen maksimal ball beriledi.
📌 Sertifikatın júklep alıwshı talabanlar ushın áhmiyetli maǵlıwmat:
Ministrler Kabinetiniń 2025-jıl 30-dekabrdegi 840-sanlı qararınıń 1-qosımshasına muwapıq ulıwma bilim beriw pánin biliw dárejesi haqqındaǵı sertifikat tekstine ózgeris kirgizilgen.