Milliy sertifikat imtixanları ushın ruqsatnamalar járiyalandı
2026-01-23 19:10:00 / Министрлик
Ana (ózbek, qaraqalpaq, rus) tili hám ádebiyat pánlerinen milliy sertifikat imtixanları 2026-jıl 31-yanvar (shembi), 1, 2-fevral (ekshembi, dúyshembi) hám 7-8-fevral (shembi, ekshembi) kúnleri ótkeriledi.
Test sınaqlarında qatnasıwshı talabanlar ruqsatnamanı my.gov.uz veb-saytındaǵı "Mening arizalarim" bólimi arqalı júklep alıwı múmkin.
Ruqsatnamada test sınaǵı ótkeriletuǵın sáne, waqıt hám mánzil kórsetilgen bolıp, talabanlardan belgilengen waqıtta jetip keliwleri soraladı.
Test sınaǵı ótkeriletuǵın imaratlarǵa kiriw:
1-smena: 07:00- 08:30
2-smena: 13:00 - 14:30
Talabanlar test sınaǵı ótkeriletuǵın imaratlarǵa shaxsın tastıyıqlawshı hújjet (pasport yamasa ID-karta) tiykarında kirgiziledi.
Belgilengen waqıttan keshikken talabanlar: 1-smena ushın saat 08:30 dan, 2-smena ushın saat 14:30 dan keyin test sınaǵına kirgizilmeydi hám olar ushın qosımsha imtixan ótkerilmeydi.