Shet tili imtixanı ushın ruqsatnamalar usınıldı
2026-01-07 14:30:00 / Министрлик
Shet tilin biliw dárejesin anıqlaw boyınsha bolıp ótetuǵın gezektegi imtixan sánesi járiyalandı. Oǵan bola:
imtixannıń jazba bólegi - 10, 11-yanvar kúnleri;
sóylew kónlikpesin bahalaw imtixanları - 12-16, 19-23, 26-yanvar kúnleri bolıp ótedi.
Talabanlar imtixan ornı, kúni hám anıq waqtın my.gov.uz saytınıń "Mening arizalarim" bóliminen biliwi hám ruqsatnamanı júklep alıwı múmkin.
✅ Ruqsatnamada talabanlar qashan, qay jerde test sınaǵında qatnasıwı kórsetilgen bolıp, talabanlardan belgilengen waqıttan keshikpey keliwi soraladı.
Talabanlar test sınaǵı ótkeriletuǵın imaratlarǵa shaxsın tastıyıqlawshı hújjet (pasport yamasa ID-karta) tiykarında kirgiziledi.
Imtixan ótkeriletuǵın orınlar hám olardıń jaylasıwı (geolokaciya): https://telegra.ph/chet-tili-01-07