Shet tilin biliw dárejesin anıqlaw mamanlıq sınaqları bolıp ótti
2025-12-15 18:45:00 / Министрлик
2025-jıl 13-15-dekabr kúnleri shet tillerin biliw dárejesin anıqlaw boyınsha mamanlıq imtixanları ótkerildi.
Imtixanlar talabanlarǵa qolaylı bolıwı ushın Qaraqalpaqstan Respublikası, wálayatlar hám Tashkent qalasında shólkemlestirildi.
Onda jámi 44 900 den aslam talaban qatnastı hám 77 talaban tártip-qaǵıydanı buzǵanı ushın procesten shetletildi.
Sóylew kónlikpesin bahalaw imtixanları 2025-jıl 15-dekabrden 2026-jıl 8-yanvarǵa shekem (dem alıs kúnlerinen tısqarı) bolıp ótedi.
Esletip ótemiz, imtixan nátiyjeleri VMQ-73-sanlı qararında belgilengen tártipke muwapıq járiyalanadı.