Túrkiyanıń ÖSYM hám Bilimdi bahalaw agentligi arasında rásmiy ushırasıw
2025-11-20 12:40:00 / Жыйналыслар
2025-jıl 19-noyabr kúni Ankara qalasında ÖSYM - Bahalaw, tańlaw hám jaylastırıw orayı Prezidenti Bayram Ali Ersoy hám Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Bilim hám mamanlıqlardı bahalaw agentligi delegaciyası arasında ushırasıw bolıp ótti.
Ushırasıwda:
- imtixanlardı shólkemlestiriw hám bahalaw procesleri;
- sanlı texnologiyalardı engiziw;
- imtixan qáwipsizligin támiyinlew máseleleri dodalandı.
Sonday-aq, tárepler tómendegi baǵdarlarda birge islesiw imkaniyatların kórip shıqtı:
- tájiriybe hám maǵlıwmat almasıw;
- qánigelerdiń mamanlıǵın arttırıw;
- imtixan qáwipsizligi boyınsha ámeliyatlar.
Ushırasıw juwmaǵında keleshektegi qospa baslamalar dodalanıp, óz ara turaqlı sóylesiwdi dawam ettiriwge kelisip alındı.