Bayram qutlıqlawı
2025-10-25 09:00:00 / Администрацияның баянатлары ҳәм сөйлеўлери
Ózbekstan Respublikası Ishki isler uyımları xızmetkerleri kúni múnásibeti menen Tórtkúl rayonı hákimi I.Xudaybergenovtıń bayram qutlıqlawı
Qádirli ishki isler uyımları xızmetkerleri hám áziz veteranlar!
Bárinen burın, Sizlerdi, qalaberdi, sadıq hám sabırlı, mehriban shańaraq aǵzalarıńızdı, Sizlerdiń ata-analarıńızdı búgingi kásiplik bayramıńız benen shın kewlimnen qutlıqlayman!
Búgingi kúnde elimizde tınıshlıq-tatıwlıq, nızam ústinligi hám puqaralardıń qáwipsizligin támiyinlewdey oǵada juwapkershilikli wazıypanı orınlaw jolında pidákerlik penen xızmet etip atırǵan Sizlerdiń miynetińiz sheksiz. Hár birińiz kúni-túni xalıq tınıshlıǵı, Watan tınıshlıǵı hám rawajlanıwı jolındaǵı xızmetti ózińiz ushın maqtanısh dep bilesiz. Sizlerdiń hár bir qádemińiz, hadallıq, mártlik hám watansúyiwshilik tımsalı bolıp esaplanadı.
Húrmetli Prezidentimiz Shavkat Miromonovich Mirziyoevtiń atap ótkenindey:
"Eger mámleket súenetuǵın tiykarǵı ústin nızam bolsa, onıń kúshin ámelde kórsetetuǵın eń nátiyjeli sistema - ishki isler tarawı bolıp esaplanadı."Bul sózler Sizlerdiń mashaqatlı hám maqtanıshlı jumısıńızǵa berilgen eń joqarı baha bolıp esaplanadı. Sizlerdiń pidákerlik miynetińiz sebepli jámiette tınıshlıq, tatıwlıq hám nızam ústinligi bekkemlenbekte.
Áziz ishki isler xızmetkerleri!
Sizlerdiń Watan hám xalıq aldındaǵı xızmetlerińiz, pidayılıǵıńız, joqarı juwapkershilik hám mártligińiz hár bir watanlasımızdıń qálbinde tereń húrmet oyatadı.
Pursattan paydalanıp, Sizlerge bekkem densawlıq, shańaraqlıq abadanlıq, maqtanıshlı xızmet jumısıńızda joqarı tabıslar hám jaqsı nietlerińiz ámelge asıwın tileymen.
Bayramıńız múbárek bolsın!