Қарақалпақстан Республикасы Төрткүл районы ҳәкимлиги

Búgingi kúnde elimizde tınıshlıq-tatıwlıqtı, nızam ústinligin hám puqaralardıń qáwipsizligin támiyinlewdey oǵada juwapkershilikli wazıypanı orınlaw jolında pidákerlik penen xızmet etip atırǵan ishki isler xızmetkerleriniń óz ornı bar.
Húrmetli Prezidentimiz Shavkat Miromonovich Mirziyoevtiń atap ótkenindey:
"Eger mámleket súenetuǵın tiykarǵı ústin nızam bolsa, onıń kúshin ámelde kórsetetuǵın eń nátiyjeli sistema - ishki isler tarawı bolıp esaplanadı."
Tórtkúl rayonı hákimliginiń úlken májilisler zalında "Ishki isler xızmetkerleri kúni" múnásibeti menen bayram ilajı bolıp ótti.
Ilajda Tórtkúl rayonı hákimi I.Xudaybergenov shıǵıp sóylep, taraw xızmetkerlerin bayram menen qutlıqladı.
Bunnan soń óz jumısında kásiplesleri arasında úlgi kórsetken taraw wákilleri rayon hákimliginiń bahalı sawǵaları hám minnetdarshılıq xatları menen sıylıqlandı.