Menshik huqıqın tán alıw máselesi boyınsha májilis ótkerildi.
2025-09-16 12:00:00 / Министрлик
Ózbekstan Respublikasında múlk huqıqı Konstituciya hám basqa normativlik-huqıqıy hújjetler menen kepillengen hám qorǵaladı.
Bul tarawda elimizde ámelge asırılıp atırǵan reformalar puqaralardıń tiyisli ruxsatsız ielep alınǵan jer uchastkalarına hám olarda qurılǵan imaratlarǵa bolǵan huqıqların tán alıwǵa imkaniyat jaratpaqta.
Usı múnásibet penen Qaraqalpaqstan Respublikası Ádillik ministri Tursunov Elmurat Ergashevich tárepinen Tórtkúl rayonı hákimliginiń úlken májilisler zalında Ózbekstan Respublikasınıń 2024-jıl 5-avgusttaǵı "Ózbasımshalıq penen ielep alınǵan jer uchastkalarına hám olarda qurılǵan imaratlar menen obektlerge bolǵan huqıqlardı tán alıw haqqında"ǵı Nızamnıń orınlanıwı boyınsha májilis ótkerildi.
Májiliste rayon prokuraturası, ádillik bólimi, rayonlıq jumısshı topar aǵzaları hám puqaralardıń ózin-ózi basqarıw uyımları hám belsendileri qatnastı.