Qaraqalpaqstan Respublikası Tórtkúl rayonı hákimligi

Tórtkúl rayonı hákimi I.Xudaybergenovtıń medicina xızmetkerlerine
BAYRAM QUTLÍQLAWÍ


Húrmetli taraw veteranları, qádirli shıpakerler hám medicina xızmetkerleri!
Bárinen burın, siz, ázizlerdi kásiplik bayramıńız – Medicina xızmetkerleri kúni menen qızǵın qutlıqlayman.
Usı qutlı áyyyamda óz ómirin insan salamatlıǵın saqlawday ullı hám mashaqatlı iske baǵıshlaǵan densawlıqtı saqlaw tarawınıń barlıq jankúyer hám miynetkesh xızmetkerlerine ózimniń joqarı húrmetimdi bildirip, pidákerlik miynetińiz ushın tereń minnetdarshılıq bildiremen.
Keyingi jılları elimizde "Jańa Ózbekstanǵa – jańa hám zamanagóy medicina" degen iygilikli ideya tiykarında úlken reformalar ámelge asırılmaqta. Atap aytqanda, rayonımızda da xalıqqa kórsetilip atırǵan medicinalıq xızmettiń sapasın arttırıw, tarawdıń materiallıq-texnikalıq bazasın jaqsılaw, zamanagóy diagnostika hám emlew texnologiyaların keńnen engiziw baǵdarında sistemalı jumıslar ámelge asırılmaqta.

Jaqında "Ashıq byudjet" joybarı sheńberinde "Bahor" mákan puqaralar jıyınındaǵı 40-sanlı shańaraqlıq poliklinikanıń tolıq engizilip, zamanagóy hám ıqsham kóriniste paydalanıwǵa tapsırılǵanı da mine usı iygilikli háreketlerdiń ámeliy kórinisi bolıp, medicina xızmetkerlerimizge haqıyqıy bayram sawǵasına aylandı.

Bunday awır hám maqtanıshlı wazıypalardı orınlawda rayonımızdıń jankúyer shıpakerleri, miyirbiykeleri hám barlıq taraw pidayıları bunnan bılay da bar kúsh-ǵayratın ayamay miynet etetuǵınına isenemen.

Bayramıńız benen jáne bir márte qutlıqlayman! Bársheńizge bekkem densawlıq, shańaraqlıq baxıt, shańaraqlarıńızǵa tınıshlıq-qáterjamlıq hám maqtanıshlı jumısıńızda úlken tabıslar tileymen.

I.Xudaybergenov,

Tórtkúl rayonı hákimi