Rásmiy múnásibet
2026-11-07 14:15:00 / Министрлик
RASMIY MUNOSABAT
Sociallıq tarmaqlarda tarqalǵan múrájatlar (https://t.me/antikorruz/6106) boyınsha "Hududgaz Qoraqalpoǵiston" gaz támiynatı filialı tómendegilerdi málim etedi.
"Shadlıq" mákan puqaralar jıyını aymaǵında qurılǵan jańa kóp qabatlı turaq jaylar joybarı boyınsha ulıwma modulli ısıtıw qazanxanasın tábiyǵıy gaz tarmaǵına jalǵaw ushın tiyisli texnikalıq shártler berilgen. Biraq, qurılısshı shólkem tárepinen usı texnikalıq shártlerde belgilengen talaplar tolıq orınlanbaǵanı sebepli obektti tábiyǵıy gaz tarmaǵına jalǵaw jumısları házirge shekem ámelge asırılmaǵan.
Házirgi waqıtta qurılısshı shólkem tárepinen texnikalıq shártlerde belgilengen talaplar orınlanıp, zárúr hújjetler belgilengen tártipte usınılǵannan soń ulıwma modulli ısıtıw qazanxanasın tábiyǵıy gaz tarmaǵına jalǵaw máselesi ámeldegi tártip tiykarında kórip shıǵılatuǵının málim etemiz.
"Hududgaz Qaraqalpaqstan" GTF Baspasóz xızmeti