Kelesi jıl zúrááti ushın bekkem tiykar: Tórtkúlde aldınǵı agrotexnikalıq ilajlar ámelde
2026-11-07 14:00:00 / Министрлик
Qaraqalpaqstan Respublikası Tórtkúl rayonı Tazabaǵay APJ aymaǵındaǵı "Namunali Temur" fermer xojalıǵınıń atız maydanında 2027-jıl zúrááti ushın gúzgi shúdigarlaw jumıslarına baǵıshlanǵan kórgizbeli seminar bolıp ótti.
Bul áhmiyetli ilajda rayon hákimi I.Xudaybergenov, Qaraqalpaqstan Respublikası tuqımgershilik orayınıń baslıǵı I.Yunusov, rayonlıq awıl xojalıǵı kárxanaları hám shólkemleriniń basshıları, rayondaǵı fermer xojalıqlarınıń basshıları qatnastı.
Usı jılı rayon boyınsha jámi 8 mıń gektar maydanda shúdigarlaw jumısların ámelge asırıw rejelestirilgen bolıp, búgingi kúnde bul processke 60 joqarı ónimli súrim traktorları tartılǵan.
Seminarda awıl xojalıǵında zamanagóy texnikalardıń nátiyjeliligin arttırıw máselesine ayrıqsha toqtap ótildi. Kishi kontur maydanlardı birlestirip, iri maydanlarǵa aylandırıw usınıs etildi.
sonday-aq, 2027-jıl zúrááti ushın "Biochar" usılında organikalıq tóginler jaratıw hám olardan nátiyjeli paydalanıw boyınsha qánigeler tárepinen tiyisli usınıs hám kórsetpeler berildi.Ilaj dawamında gúzgi shúdigarlaw jumısların óz waqtında, sapalı hám agrotexnika qaǵıydalarına tolıq ámel etken halda juwmaqlaw, jerdiń ónimdarlıǵın arttırıw boyınsha ámeliy túsinikler berilip, juwapkerlerge anıq wazıypalar belgilendi.