Qaraqalpaqstan Respublikası Tórtkúl rayonı hákimligi

Tórtkúl rayonında miynet tarawında qáwipsiz hám húrmetke tiykarlanǵan ortalıqtı qáliplestiriw boyınsha oqıw-treninglerge start berildi

📌Házirgi waqıtta miynet jámáátlerinde salamat, qáwipsiz hám óz ara húrmetke tiykarlanǵan ortalıqtı jaratıw úlken áhmiyetke iye. Usı maqsette Tórtkúl rayonındaǵı 77-sanlı ulıwma bilim beriw mektebinde áhmiyetli joybar sheńberinde ámeliy treningler baslandı.
📌 "Mámleket miynet tarawında qáwipsiz hám húrmetke tiykarlanǵan jumıs ortalıǵın támiyinlew, sonday-aq, basım ótkeriw hám zorlıqtıń aldın alıw" dep atalǵan bul joybar qatnasıwshılarǵa keń kólemli bilim hám kónlikpeler bermekte.📌 Shınıǵıwlar dawamında xızmetkerlerdiń teń huqıqlılıǵın támiyinlew hám nızamlı máplerin qorǵaw, miynet qatnasıqlarında hár qanday kúsh kórsetiw hám zorlıq jaǵdaylarına qarsı gúresiw, múrájatlardı qabıl etiw, qalıs bahalaw hám qısqa múddette kórip shıǵıw tártip-qaǵıydaları jáne jábirlengen shaxslar menen islesiwde qáwipsiz hám húrmetke tiykarlanǵan qatnaslardı ámeliyatta qollanıw sıyaqlı baǵdarlar qamtıp alınbaqta.
📌Joybarlawdıń tiykarǵı maqseti — mámleketlik shólkemlerde hár bir xızmetkerdiń abırayı, qádiri, huqıqları hám qáwipsizligi tolıq kepillengen salamat miynet ortalıǵın qáliplestiriw bolıp esaplanadı.
Bunday treningler toparlarda óz-ara isenim hám ortalıqtı jáne de jaqsılawǵa xızmet etedi.