Qaraqalpaqstan Respublikası Tórtkúl rayonı hákimligi

XALIQ DEPUTATLARI TÓRTKÚL RAYONLIQ KEŃESINIŃ GEZEKTEGI 30-SESSIYASI BOLIP ÓTTI

Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyada Xalıq deputatları rayonlıq Keńesiniń deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:

1. Ózbekstan Respublikası Prezidentiniń Tórtkúl rayonındaǵı Xalıq qabıllawxanasınıń 2026-jıl III-sherek juwmaqları boyınsha málimlemesi haqqında rayon hákimi I.Xudaybergenov bayanat jasadı.
2. Tórtkúl rayonı prokurorınıń Ózbekstan Respublikası Prezidentiniń 2026-jıl 5-yanvardaǵı "Respublika máhállelerinde qáwipsiz ortalıqtı jaratıw baǵdarında birden-bir mánzilli jumıs islew sistemasın engiziwge qaratılǵan qosımsha ilajlar haqqında"ǵı PQ-1-sanlı qararınıń orınlanıwı boyınsha rayonda alıp barılıp atırǵan jumıslar haqqında rayon prokurorı S.Yaqubov málimleme berdi.

3. Huqıqbuzarlıqlar profilaktikası hám jınayachılıqqa qarsı gúresiw boyınsha ámelge asırılǵan jumıslar haqqında rayonlıq IIB bólimi baslıǵı M.Muratovtıń bayanatı tıńlandı.

4. Tórtkúl rayonındaǵı máhállelerde 2026-jıldıń 9 ayı dawamında Máhálleniń sociallıq-ekonomikalıq mashqalaların sheshiw qorınıń dáramatları hám qárejetleriniń orınlanıwı haqqında Ózbekstan máhálleleri awqamı rayonlıq bóliminiń baslıǵı F.Nurumov bayanat oqıdı.

5. Tórtkúl rayonındaǵı xalıqtıń sociallıq járdemge mútáj kategoriyaların 2027-jılı jumısqa jaylastırıw ushın jumıs orınlarınıń eń az sanın belgilew hám rezervke qoyıw haqqında

rayon Kámbaǵallıqtı qısqartıw hám bántlikke kómeklesiw bólimi baslıǵınıń orınbasarı M.Xalmuratov bayanatqa shıqtı.

6. Rayon jergilikli byudjetiniń 2026-jıl 9 aylıq orınlanıwı haqqında.

7. Tórtkúl rayonında "Baslamalı byudjet" procesiniń 2026-jıl III-sherek dawamında ámelge asırılǵan jumıslar haqqında.

Tórtkúl rayonı jergilikli byudjetiniń qosımsha dárekleri esabınan qarjı ajıratıw haqqında.

9. Tórtkúl rayonı jergilikli byudjetiniń optimallastırılǵan qarjıların jetispey atırǵan miynet haqı qárejetlerine baǵdarlaw haqqında.

10. Ózbekstan Respublikası Prezidentiniń 2025-jıl 30-yanvardaǵı "Xalıqtı sociallıq qorǵaw sistemasın qarjılandırıw tártip-qaǵıydaların jetilistiriw haqqında"ǵı PP-17-sanlı Pármanına tiykarlanıp shólkemlestirilgen "Infrastruktura hám sociallıq turaqlılıq" qorı qarjıları esabınan qarjı ajıratıw haqqında rayonlıq Ekonomika hám qarjı bólimi baslıǵınıń birinshi orınbasarı B.Matchanov shıǵıp sóyledi.

11. Xalıq deputatları Tórtkúl rayonlıq Keńesiniń 2026-jıl 7-may VII-24-49-13-190-K/26-sanlı "Ózbekstan Respublikası Ministrler Kabinetiniń 2024-jıl 11-oktyabrdegi 665-sanlı qararına tiykar Tórtkúl rayonındaǵı ishki jollardı saqlaw hám aǵımdaǵı ońlaw jumısları boyınsha 2026-jıl ushın juwmaqlawshı mánzilli dizim haqqında"ǵı qararına ózgeris kirgiziw haqqında rayon Abadanlastırıw basqarması baslıǵınıń birinshi orınbasarı U.Minajev bayanat jasadı.

Dodalawlar juwmaǵında kún tártibindegi máseleler boyınsha tiyisli qararlar qabıl etildi.

Sessiya procesi rayon hákimliginiń Facebook (https://www.facebook.com/turtkultumani.AxborotXizmati) beti arqalı tikkeley alıp kórsetildi.