Basshı hám jaslar ushırasıwı: Mashqala hám usınıslar tıńlandı
2026-10-08 14:00:00 / Министрлик
Basshı hám jaslar ushırasıwı: Mashqala hám usınıslar tıńlandı
Hár hápteniń piyshembi kúni dástúriy tárizde ótkerilip kiyatırǵan "Jaslar kúni" múnásibeti menen búgin Tashkent mámleketlik ekonomika universiteti Tórtkúl fakultetinde ushırasıw bolıp ótti.
Onda rayon hákimi I.Xudaybergenov, rayon prokurorı S.Yakubov, rayonlıq salıq bólimi baslıǵı hám hákim orınbasarları qatnasıp, jaslar menen jaqınnan pikirlesti.
Shıǵıp sóylegen basshılar mámleketimizde jaslarǵa qaratılıp atırǵan itibar, olardıń bilim alıwı, bántligin támiyinlew hám isbilermenlik penen shuǵıllanıwı ushın berilip atırǵan keń jeńilliklerge toqtap ótti.
Student-jaslar ózlerin qızıqtırǵan sorawlar, jańa baslama hám ideyalar menen belsene qatnastı.
Jaslar tárepinen bildirilgen pikir-usınıslar juwapkerler tárepinen qabıl etilip, olardı sheshiw boyınsha tiyisli ilajlar belgilendi.
Bunday ushırasıwlar jaslardıń mashqalaların óz waqtında saplastırıw hám olardı qollap-quwatlawǵa xızmet etedi.