Qaraqalpaqstan Respublikası Tórtkúl rayonı hákimligi

TÓRTKÚL RAYONI FERMERLER KEŃESI PREZIDIUMINIŃ MÚRÁJATI

Paxta zúráátin óz waqtında terip alıp, Prezidentimiz tárepinen
berilgen jeńillik hám subsidiyalardan paydalanıń
hám de dáramatıńızdı kóbeytiń!

2026-jıl zúrááti ushın jetistirilgen paxta atızlarıńızda jıl dawamında alıp barılǵan agrotexnikalıq ilajlar, sonıń ishinde, ózińizdiń tájiriybeńiz jáne awıl xojalıǵı xızmetkerleriniń hám Fermerler keńesiniń múrájatları hám usınısları nátiyjesinde atızıńızda úlken paxta qırmanı ushın jeterli zúráát jarattıńız.
Rayonlıq fermerler keńesi prezidium aǵzaları Sizlerden qısqa múddetlerde paxtanı sapalı hám tolıq jıynap alıw ushın barlıq imkaniyatlardı jumsawǵa shaqıradı.
Prezidentimiz tárepinen Siz fermerlerge 2026-jılı paxtanı jetistiriw, onı sapalı jıynap alıw hám máwsimdi shólkemleskenlik penen shólkemlestiriw ushın kóplegen jeńillikler berildi. Sonnan:Birinshiden, Prezidentimizdiń 2026-jıl 8-maydaǵı PP-82-sanlı Pármanı menen paxta shiyki zatın jetistiriwge ajıratılǵan jeńilletilgen kreditlerdi shártnamada belgilengen múddette qaytarǵan xojalıqlarǵa usı kreditler boyınsha tólengen procent tóleminiń 2,5 procentin;
Ekinshiden, fermer xojalıǵı óz qarjıları hám kommerciyalıq banklerdiń kreditleri esabınan jetistirilgen paxta shiyki zatın birjada satqanda rásmiylestirilgen elektron ónim jılı juwmaǵına shekem (31-dekabrge shekem) qaytarǵan xojalıqlarǵa usı kreditler boyınsha tólengen procent tólemleriniń 5 procentin qaytarıp beredi;
esap-faktura bahasınıń 10 procenti subsidiya beriledi;
Úshinshiden, Prezidentimizdiń 2026-jıl 28-sentyabrdegi PQ-354-sanlı qararına muwapıq 2026-jıl ónimin birja sawdaları arqalı satqan barlıq paxta jetistiriwshi subektlerge tonnasına 500 mıń sumnan subsidiya ajıratıladı;
Tórtinshiden, Prezidentimizdiń 2026-jıl 12-sentyabrdegi PQ-326-sanlı qararına muwapıq, dizel janılǵısın satıp alıwǵa baylanıslı qárejetlerdi bir bólegin qaplaw ushın 2026-jıl 1-iyulden baslap 2026-jıl 1-dekabrge shekem fermer xojalıqlarına tovar-shiyki zat birjalarındaǵı sawdalar arqalı satıp alınatuǵın hár bir tonna dizel janılǵısınıń bahasınıń 15 million sumnan asqan bólegi ushın, biraq 2 million sumnan kóp bolmaǵan muǵdarda mámleket tárepinen subsidiya beriledi;
Húrmetli fermer xojalıǵı basshısı!
Sizlerden, Prezidentimiz tárepinen jaratılıp berilip atırǵan imkaniyatlardan keńnen paydalanıp, paxta teriw jumısların durıs shólkemlestiriwge shaqıramız.
Bul baǵdarda rayonlıq fermerler keńesleri Prezidium aǵzaları menen birgelikte óziniń biyǵárez járdemin ayamaydı.
Taraw qánigeleri oktyabr ayında ótken jılǵa salıstırǵanda jawın-shashın keliwi boyınsha boljaw bermekte.
Sizden, "Hár bir kún ǵániymet" ekenin sezinip, paxtańızdı óz waqtında terip alıw ushın tómendegi ilajlardı ámelge asırıń!

Birinshiden, búginnen baslap, óz jumısshılarıńızdı paxta atızıńızǵa shıǵarıp jawınlı kúnlerge qaldırmay paxtańızdı qısqa múddette terip alıń;
Ekinshiden, defoliaciya etilmegen maydanlarınızdı 1 kúnde sapalı defoliaciya etiń;
Úshinshiden, paxta atızlarıńızdı hesh qashan suwǵarmań;
Tórtinshiden, paxta atızlarınızdı paxta teriw mashinası teriw ushin sharayat jaratıń hám de paxtańızdı terim mashinasında teriń;
Besinshiden, paxta terimine miynet nızamshılıǵı hám miynetti qorǵaw talaplarına ámel etken halda shólkemlestiriwińiz hámde hár qanday túrdegi májbúriy miynetten paydalanbawıńız;
Altınshıdan, paxtańızdı óz waqtında hám sapalı terip alıp, Prezidentimiz tárepinen fermerlerge jaratıp berilgen jeńilliklerden paydalanıń hám dáramatıńızdı arttırıń.
Húrmetli fermer!
Paxta shiyki zatın qabıllaw procesinde ádil emes múnásibet bolǵanda tiykarsız shegirmeler qollanılǵanda, Keńes qánigeleri Siziń múrájatıńızdı kórip shıǵıp, isenimli túrde qorǵaydı.
Húrmet penen,

Tórtkúl rayonı fermerler keńesi