Qaraqalpaqstan Respublikası Tórtkúl rayonı hákimligi

Tórtkúl rayonında áhmietli májilis bolıp ótti

Rayon hákimi I.Xudaybergenov basshılıǵında Ózbekstan Respublikası Prezidenti Sh.Mirziyoevtiń sentyabr ayındaǵı videoselektor májilislerinde berilgen tapsırmalardıń orınlanıwına baǵıshlanǵan májilis ótkerildi. Atap aytqanda, rayonda xalıqtıń járdemge mútáj qatlamın kámbaǵallıqtan shıǵarıw maqsetinde olardıń bántligin támiyinlew arqalı dáramatların arttırıw máselesi kórip shıǵıldı.
Sonıń menen bir qatarda atqarıw tártibin bekkemlew, korrupciya, dámegóylik hám xızmet dárejesinen paydalanıw jaǵdaylarına jol qoymaw, hár bir nızamsız háreket nızam sheńberinde jazalanıwı sózsiz ekenligi hám hár bir basshı jámáátinde bunday illetlerdiń aldın alıwı zárúr ekenligi atap ótildi.
Májilis juwmaǵında barlıq wazıypalardıń óz waqtında hám sapalı orınlanıwı qatań qadaǵalawǵa alındı.