"Úsh áwlad ushırasıwı": Tórtkúl rayonında ruwxıy-aǵartıwshılıq ilaj bolıp ótti
2026-09-19 14:00:00 / Министрлик
"Úsh áwlad ushırasıwı": Tórtkúl rayonında ruwxıy-aǵartıwshılıq ilaj bolıp ótti
Ózbekstan Respublikası Prezidentiniń 2023-jıl 11-marttaǵı PQ-92-sanlı qararınıń orınlanıwın támiyinlew maqsetinde Tórtkúl rayonı "Nuranıylar jámietlik keńesi" hám 16-sanlı ulıwma bilim beriw mektebi menen birgelikte "Úsh áwlad ushırasıwı" ruwxıy-aǵartıwshılıq ilajı ótkerildi.
Ilajda Ózbekstan "Qızıl yarım ay" jámieti Tórtkúl rayonlıq bóliminiń atqarıwshı direktorı, 1-dárejeli "Mehnat faxriysi" kókirek belgisiniń iesi A.Sultanov, "Mwtabar ayol," "Ardoqli nuroniy," 1-dárejeli "Mehnat faxriysi" kókirek belgisiniń iesi, rayonlıq "Buvijonlar maktabi" keńesiniń baslıǵı X.Ibadullaeva, kóp jıllar mektepte jaslarǵa sabaq bergen húrmetli muǵallim, "Bog yop" MPJ nıń belsendi nuranıy Z.Allaberganova, húrmetli esapshı R.Kurdasheva, sonday-aq, "Nuraniy" qorı Tórtkúl rayonlıq bóliminiń qánigesi S.Rozmetova hám mekteptiń 11-klass oqıwshıları qatnastı.
Qızǵın sóylesiw ruwxında ótken ilajda nuranıylar ózleriniń bay turmıs jolları, miynet jolı hám basınan ótkergen sınaqları haqqında aytıp berdi. Sonday-aq, jaslarǵa puqta bilim alıw, zamanagóy kásip-ónerlerdi ielew hám mámleketimiz tárepinen jaratılıp atırǵan keń imkaniyatlardan únemli paydalanǵan halda turmısta óz ornın tabıw boyınsha ózleriniń shın júrekten aytqan násiyat hám usınısların berdi.
Ushırasıw jaslarda úlken tásir qaldırıp, olarǵa kúshli motivaciya baǵıshladı.