Tórtkúlde bilimlendiriw sistemasın rawajlandırıw boyınsha áhmietli wazıypalar belgilendi
2026-09-12 15:00:00 / Министрлик
Tórtkúlde bilimlendiriw sistemasın rawajlandırıw boyınsha áhmietli wazıypalar belgilendi
Búgin Qaraqalpaqstan Respublikası Mektepke shekemgi hám mektep bilimlendiriwi ministri Amanjol Ayapov Tórtkúl rayonı 77-sanlı mektepte bilimlendiriw mákemeleri basshılarınıń qatnasıwında keńeytilgen májilis ótkerdi.
Májiliste bilimlendiriwdiń sapasın arttırıw, pedagoglardıń juwapkershiligin kúsheytiw, gúzgi-qısqı máwsimdi zıyansız ótkeriw, mektep hám baqshalarda qáwipsizlikti támiyinlew máseleleri dodalandı.
Sonday-aq, oqıwshı-jaslar arasında jınayachılıq hám huqıqbuzarlıqlardıń aldın alıw, bilimlendiriw mákemelerinde tártip-intizamdı bekkemlew, korrupciyanıń hár qanday kórinisine jol qoymaw, korrupciyalıq jaǵdaylardıń aldın alıw boyınsha túsindiriw hám profilaktikalıq jumıslardı kúsheytiw boyınsha wazıypalar belgilep berildi.
Mektep hám baqshalarda "Milliy múesh"lerdi talap dárejesinde shólkemlestiriw hám bezew, xalıqaralıq grant hám joybarlarda belsene qatnasıw jáne bilimlendiriw mákemeleriniń imkaniyatlarınan nátiyjeli paydalanıw máselelerine de ayrıqsha itibar qaratıldı.
Májilis juwmaǵında juwapkerlerge belgilengen wazıypalardı sapalı hám óz waqtında orınlaw boyınsha anıq tapsırmalar berildi.