Qaraqalpaqstan Respublikası Tórtkúl rayonı hákimligi

XALIQ DEPUTATLARI TÓRTKÚL RAYONLIQ KEŃESINIŃ GEZEKTEGI 29-SESSIYASI BOLIP ÓTTI

Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyada Xalıq deputatları rayonlıq Keńesiniń deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:
1. "Tórtkúl rayonında 2026-jıl 2-máwsimde Puqaralar baslaması qorı qarjıları esabınan "Ashıq byudjet" málimleme portalı arqalı eń kóp dawıs jıynaǵan usınıslar ushın qarjılar ajıratıw haqqında.
2. Tórtkúl rayonı jergilikli byudjetiniń qosımsha dárekleri esabınan qarjı ajıratıw haqqında.
3. Tórtkúl rayonı jergilikli byudjetinen qarjılandırılatuǵın byudjet shólkemleri hám mákemeleriniń byudjet parametrlerinde ajıratılǵan qarjılar sheńberinde qárejetlerdiń optimallastırılǵan bólegin miynet haqı hám birden-bir sociallıq salıq boyınsha jetispeytuǵın bólegine qaratıw haqqında.
4. Ózbekstan Respublikası Prezidentiniń 2025-jıl 30-yanvardaǵı "Xalıqtı sociallıq qorǵaw sistemasın qarjılandırıw tártip-qaǵıydaların jetilistiriw haqqında"ǵı PP-17-sanlı Pármanına tiykarlanıp shólkemlestirilgen "Infrastruktura hám sociallıq turaqlılıq" qorınıń qarjıları esabınan qarjı ajıratıw haqqında.

5. Xalıq deputatları Tórtkúl rayonlıq Keńesiniń 2026-jıl 28-fevraldaǵı VII-22-22-13-190-K/26-sanlı "Tórtkúl rayonı jergilikli byudjetiniń 2025-jıldıń erkin qaldıq qarjıları esabınan qarjı ajıratıw boyınsha rayon hákimliginiń usınısın kórip shıǵıw haqqında"ǵı qararına dúzetiw kirgiziw haqqında.
6. Ózbekstan Respublikası Oliy Majlisi Nızamshılıq palatasınıń deputatı tárepinen Tórtkúl rayonı boyınsha baslamalı byudjet procesiniń 2026-jıl ekinshi máwsiminde "Ashıq byudjet" málimleme portalı arqalı dawıs beriw procesiniń juwmaqlarına bola jeńimpaz bolmaǵan joybardı qosımsha jeńimpaz dep járiyalaw haqqında.
Kún tártibindegi máseleler boyınsha rayonlıq Ekonomika hám finans bólimi baslıǵınıń birinshi orınbasarı B.Matchanov bayanat jasadı.
7. Rayonda ishimlik suwı támiynatı sistemasın rawajlandırıw boyınsha ámelge asırılıp atırǵan jumıslar boyınsha "Qaraqalpaq suw támiynatı" AJ Tórtkúl rayonı filialı baslıǵı U.Aytbaevtıń esabatı tıńlandı.
Dodalawlar juwmaǵında kún tártibindegi máseleler boyınsha tiyisli qararlar qabıl etildi.
Sessiya procesi rayon hákimliginiń Facebook (https://www.facebook.com/turtkultumani.AxborotXizmati) beti arqalı tikkeley alıp kórsetildi.
 

Tuwrıdan-tuwrı efir:
https://www.facebook.com/share/v/19bpXbqNhC/

Tikkeley efirden jazıp alındı:
https://www.facebook.com/share/v/18FeUQECeN/