Qaraqalpaqstan Respublikası Tórtkúl rayonı hákimligi

Xalıqtıń múrájatları ashıq pikirlesiw tiykarında kórip shıǵıldı

Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedovanıń qatnasıwında Tórtkúl rayonında puqaralardı qabıllaw bolıp ótti.

Ashıqtan-ashıq sóylesiw tárizinde shólkemlestirilgen qabıllaw dawamında puqaralardıń múrájatları tikkeley tıńlanıp, olardı qıynap kiyatırǵan mashqalalardı úyreniw hám ámeliy sheshim tabıwǵa ayrıqsha itibar qaratıldı.

Sóylesiw procesinde hayal-qızlardıń bántligin támiyinlew, olardıń isbilermenlik baslamaların qollap-quwatlaw, shańaraqlıq sharayatın jaqsılaw, sociallıq qorǵawǵa mútáj puqaralarǵa járdem kórsetiw, sonday-aq, basqa da sociallıq máseleler boyınsha múrájatlar kórip shıǵıldı.

Hár bir múrájat boyınsha juwapker shólkem hám juwapkerlerge tiyisli wazıypalar belgilep berilip, mashqalalardı nızamlı hám ámeliy jaqtan sheshiw boyınsha zárúr ilajlar kóriw tapsırıldı.