Puqaralardıń múrájatları itibarda
2026-08-04 12:00:00 / Министрлик
Puqaralardıń múrájatları itibarda
Búgin Ózbekstan Respublikası Prezidentiniń rayondaǵı Xalıq qabıllawxanası imaratında rayon hákiminiń orınbasarı A.Sultanovtıń qatnasıwında puqaralar ushın gezektegi jeke qabıllaw bolıp ótti.
Qabıllaw dawamında puqaralar tárepinen bildirilgen múrájatlar dıqqat penen tıńlanıp, olardı ornında hám nızamlı sheshiw ilajları kórildi.
Atap aytqanda, kem támiyinlengen shańaraqlardı qollap-quwatlaw, shańaraqlıq kelispewshilikler aqıbetinde júzege kelgen aliment óndiriw máselesi jáne bala napaqasın ajıratıw hám rásmiylestiriw procesi boyınsha máseleler úyrenildi.
Orınlanıwı waqıt hám qosımsha úyreniwdi talap etetuǵın múrájatlar boyınsha tiyisli taraw juwapkerlerine anıq tapsırmalar hám múddetler belgilenip, qadaǵalawǵa alındı.
Xalıqtıń abadanlıǵı hám sociallıq qorǵalıwın támiyinlew baǵdarındaǵı bunday qabıllawlar turaqlı dawam ettiriledi.