В связи с "Четверг — день молодежи"
2026-07-16 14:00:00 / Министрлик
"Piyshembi - jaslar kúni" múnásibeti menen
Mámleketimiz basshısınıń jaslarǵa qaratıp atırǵan turaqlı itibarı hám "Piyshembi - jaslar kúni" sheńberinde Tórtkúl rayonındaǵı oqıw orayında jaslar menen ashıqtan-ashıq sóylesiw shólkemlestirildi.
Ilajǵa Tórtkúl rayonı hákimi I.Xudaybergenov, rayonlıq IIB baslıǵı, podpolkovnik M.Muratov, rayonlıq Jaslar isleri agentligi bólimi baslıǵı D.Gapurov hám tiyisli shólkemlerdiń basshıları qatnastı.
Ushırasıw dawamında jaslar ózlerin qızıqtırǵan máseleler, mashqala hám usınısların erkin bildirdi. Múrájatlar hár tárepleme dodalanıp, olardı sheshiw boyınsha tiyisli uyım hám shólkemlerdiń basshılarına anıq tapsırmalar berildi.
Bunday ashıqtan-ashıq sóylesiwler jaslardıń mashqalaların óz waqtında saplastırıw, olardı hár tárepleme qollap-quwatlaw jáne mámleketlik hám jámietlik turmıstaǵı belsendiligin arttırıwǵa xızmet etedi.