Tórtkúlde "Hayal-qızlar dápteri" 7-basqıshı sheńberinde oqıw-seminar shólkemlestirildi
2026-07-15 18:00:00 / Министрлик
Tórtkúlde "Hayal-qızlar dápteri" 7-basqıshı sheńberinde oqıw-seminar shólkemlestirildi
Tórtkúl rayonı hákimliginde hayal-qızlardı hár tárepleme qollap-quwatlaw, olardıń bántligin támiyinlew hám mashqalaların sistemalı sheshiwge baǵıshlanǵan oqıw-seminar bolıp ótti.
Seminardı Ózbekstan Kásiplik awqamları Federaciyası baslıǵınıń orınbasarı, Qaraqalpaqstan Keńesiniń baslıǵı U.Jalmenov alıp bardı. Ilajda rayon hákiminiń orınbasarı, Shańaraq hám hayal-qızlar bóliminiń baslıǵı I.Jumabaeva, Máhálleler awqamı rayonlıq bóliminiń baslıǵı F.Nurimov, tarawlıq kásiplik awqamlarınıń wákilleri hám hayal-qızlar belsendileri qatnastı.
Seminar dawamında hayal-qızlardıń bántligin támiyinlew hám isbilermenligin rawajlandırıw, medicinalıq, huqıqıy hám psixologiyalıq járdem kórsetiwdiń sapasın arttırıw hámde Mektepke shekemgi hám mektep bilimlendiriwi bólimi psixologları tárepinen hayal-qızlar ushın treninglerdi mazmunlı shólkemlestiriw boyınsha paydalı usınıslar berildi.
Ilaj sońında aymaqlarda "Hayal-qızlar dápteri" sistemasındaǵı jumıslardı sapa jaǵınan jańa basqıshqa alıp shıǵıw hám sociallıq xızmetlerdiń nátiyjeliligin arttırıw boyınsha tiyisli wazıypalar belgilep alındı.