XALIQ DEPUTATLARI RAYONLIQ KEŃESINIŃ GEZEKTEGI 27-SESSIYASI BOLIP ÓTTI Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyada Xalıq deputatları rayonlıq Keńesiniń deputatları, tiyisli shólkemlerdiń juwapkerleri hám ǵalaba
2026-07-08 10:00:00 / Министрлик
XALIQ DEPUTATLARI RAYONLIQ KEŃESINIŃ GEZEKTEGI 27-SESSIYASI BOLIP ÓTTI
Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyada Xalıq deputatları rayonlıq Keńesiniń deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:
1. "Tórtkúl rayonı Korrupciyadan jıraq aymaq" baǵdarlaması "Jol kartası"nıń orınlanıwı boyınsha rayon hákimi I.Xudaybergenovtıń bayanatı tıńlandı.
2. Jınayachılıqqa qarsı gúresiw hám kriminogen jaǵdaydıń jaǵdayı boyınsha rayon prokurorı S. Yakubov málimleme berdi.
3. Tórtkúl rayonı aymaǵında jınayachılıqqa qarsı gúresiw hám huqıqbuzarlıqlar profilaktikası tarawında 2026-jıldıń 6 ayı dawamında ámelge asırılǵan jumısları boyınsha rayonlıq IIB baslıǵınıń orınbasarı maǵlıwmat berdi.
4. Ózbekstan Respublikası Prezidentiniń 2026-jıl 5-fevraldaǵı "2026-jılı aymaqlardı jańasha qatnasıqlar tiykarında rawajlandırıw arqalı xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında"ǵı PQ-49-sanlı qararınıń orınlanıwı sheńberinde aymaqlardı rawajlandırıw hám xalıqtıń bántligin támiyinlew boyınsha 2026-jıldıń 6 ayı dawamında ámelge asırılǵan jumıslar boyınsha hám Tórtkúl rayonında atqarıw tártibine ámel etiw jaǵdayı haqqında rayon hákiminiń birinshi orınbasarı Z.Ismailov esabat berdi.
6. "Hayal-qızlar dápteri" sisteması arqalı járdemge mútáj hayal-qızlardı mánzilli qollap-quwatlaw baǵdarlamaları hám ilajlarınıń ámelge asırılıwı, sociallıq qorǵawǵa mútáj shańaraqlarǵa járdem beriw hám hayal-qızlardı kásipke úyretiw ilajlarınıń orınlanıwı haqqında rayon hákimligi Shańaraq hám hayal-qızlar bóliminen juwapker bayanat jasadı.
7. Tórtkúl rayonında Jaslar mashqalaların úyreniw, olardı sheshiwge járdemlesiw, jas áwladtıń talantı hám qábiletin rawajlandırıw ushın qosımsha sharayatlar jaratıw ilajların kóriwge qaratılǵan jumıslar haqqında rayonlıq Jaslar isleri bóliminiń baslıǵı D.Gapurov shıǵıp sóyledi.
8. Rayon jergilikli byudjetiniń 2025-jıl 6 aylıq orınlanıwı, Tórtkúl rayonında "Baslamalı byudjet" procesiniń 2026-jıl 2-sherek dawamında ámelge asırılǵan jumısları boyınsha, Tórtkúl rayonı jergilikli byudjetiniń 2026-jıl 1-sheregi juwmaǵı boyınsha qáliplesken dáramatlarınıń arttırıp orınlanǵan bólegi esabınan qarjı ajıratıw boyınsha rayon hákimliginiń usınısın kórip shıǵıw, Tórtkúl rayonı jergilikli byudjetiniń 2026-jıl 1-sheregi dáramatlar rejesiniń arttırıp orınlanǵan bólegi esabınan qarjı ajıratıw boyınsha rayon hákimliginiń usınısın kórip shıǵıw haqqında rayon Ekonomika hám qarjı bólimi baslıǵınıń birinshi orınbasarı B.Matchanov bayanat jasadı.
Bayanatshılar shıǵıp sóylegen sózlerden keyin deputatlar hám sessiya qatnasıwshıları tárepinen tema boyınsha sorawlar, usınıslar hám pikir-usınıslar bildirildi.
Xalıq deputatları rayonlıq Keńesiniń jigirma jetinshi sessiyasınıń kún tártibindegi barlıq máseleler kórip shıǵıldı hám bildirilgen pikir-usınıslardı inabatqa alǵan halda tiyisli qarar joybarları tastıyıqlandı.
https://www.facebook.com/share/v/18rk1yTGew/