TÓRTKÚLLI PARABADMINTONCHILARDAN TARIYXÍY JEŃIS: AZIYA CHEMPIONATÍNA JOLLAMA QOLǴA KIRGIZILDI!
2026-06-22 17:30:00 / Министрлик
TÓRTKÚLLI PARABADMINTONCHILARDAN TARIYXÍY JEŃIS: AZIYA CHEMPIONATÍNA JOLLAMA QOLǴA KIRGIZILDI!
Tashkent qalasında sporttıń parabadminton túri boyınsha 35 jasqa shekem bolǵan eresekler arasında Ózbekstan chempionatı bolıp ótti. Bul abıraylı jarısta elimizdiń eń saylandı hám sheber sporchıları jeńimpazlıq ushın gúres alıp bardı.
Quwanıshlı tárepi, usı chempionatta Tórtkúl rayonı sport mektebiniń shınıǵıwshıları joqarı sheberlik hám erk-ıqrarın kórsetip, sıylı 1-, 2-, 3-orınlardı ieledi!
Wákillerimiz óz jeńisleri menen Ózbekstan milliy saylandı komandası quramınan orın aldı hám kelesi jılı bolıp ótetuǵın Parabadminton boyınsha Aziya chempionatına tikkeley jollamanı qolǵa kirgizdi.
Sizler menen pútkil Tórtkúl maqtanadı! Joqarı sheklerdi ielegen sporchılarımızdı hám olardıń bul jeńisi artında turǵan pidayı trener Sultanova Muhabbattı shın júrekten qutlıqlaymız!
Kelesi jılı ótkeriletuǵın Aziya chempionatında da watanlaslarımızǵa úlken tabıslar hám altın medallar yar bolıwın tilep qalamız!