Áhmietli máseleler dodalandı
2026-06-17 15:00:00 / Министрлик
Tórtkúl rayonı hákimliginde Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedovanıń qatnasıwında májilis bolıp ótti.
Májilis kún tártibindegi tiykarǵı másele - óspirim jaslar, atap aytqanda, qızlar arasında unamsız jaǵdaylardıń aldın alıw, olardı sociallıq-huqıqıy jaqtan qorǵawdı kúsheytiw hám hár tárepleme qollap-quwatlawǵa qaratıldı.
Mekteplerde bilim alıp atırǵan, sociallıq qorǵawǵa mútáj bolǵan qızlar rayondaǵı juwapker basshılarǵa "atalıqqa" biriktirilgen bolıp, ilaj sheńberinde bul baǵdarda alıp barılıp atırǵan jumıslar haqqında sóz etildi.
Qızlardıń mashqalaların tikkeley máhálle dárejesinde sheshiw, hár bir múrájatqa individual qatnas jasaǵan halda materiallıq, medicinalıq, psixologiyalıq hám huqıqıy járdem kórsetiw boyınsha juwapkerlerge anıq wazıypalar belgilendi.
Májilis juwmaǵında qızlardıń bilim alıwı, kásip-óner ielewi hám jámiette múnásip orın tabıwı ushın barlıq imkaniyatlardı jumsaw boyınsha sistemalı jumıslardı dawam ettiriw tapsırıldı.