Sport - salamatlıq girewi: Rayonda hayal-qızlar arasında jarıslar ótkerildi
2026-06-13 14:00:00 / Министрлик
Sport - salamatlıq girewi: Rayonda hayal-qızlar arasında jarıslar ótkerildi
2026-jıl - "Máhállelerdi rawajlandırıw hám jámietti joqarılatıw jılı" mámleketlik baǵdarlamasınıń orınlanıwın támiyinlew, sonday-aq, hayal-qızlardıń salamatlıǵın bekkemlew hám olar arasında salamat turmıs tárizin úgit-násiyatlaw maqsetinde rayonda sport jarısları shólkemlestirildi.
Hayal-qızlardıń bos waqıtların mazmunlı shólkemlestiriwge qaratılǵan bul ilajda qatnasıwshılar sporttıń shashka, darc hám stol tennisi túrleri boyınsha kúsh sınastı.
Qızıqlı hám mawasasız bellesiwlerge bay ótken jarıslar dawamında hayal-qızlar ózleriniń fizikalıq tayarlıqların hám sheberliklerin kórsetti.
Jarıs juwmaǵında jeńimpaz hám sıylı orın ieleri, belsendi qatnasıwshılar rayonlıq Shańaraq hám hayal-qızlar bólimi tárepinen estelik sawǵaları, diplom hám kuboklar menen sıylıqlandı.
Saltanatlı ilaj sońında rayon hákiminiń orınbasarı-Shańaraq hám hayal-qızlar bóliminiń baslıǵı I.Jumabaeva barlıq qatnasıwshılardı qutlıqlap, hayal-qızlar arasında sporttı ǵalaba en jaydırıw bunnan bılay da izbe-iz dawam ettiriletuǵının atap ótti.