Ushırasiw bolıp ótti
2026-06-05 10:00:00 / Министрлик
Ózbekstan Respublikası Prezidenti Shavkat Mirziyoev hám Rossiya Federaciyası Prezidenti Vladimir Putinniń ushırasıwı bolıp ótti.
Moskva qalasındaǵı ilajlar sheńberinde 8-may kúni Ózbekstan Respublikası Prezidenti Shavkat Mirziyoev hám Rossiya Federaciyası Prezidenti Vladimir Putinniń ushırasıwı bolıp ótti.
Sóylesiw aldında mámleket basshıları Jeńistiń 81 jıllıǵı múnásibeti menen bir-birin qızǵın qutlıqladı.
Ózbekstan-Rossiya keń kólemli strategiyalıq sheriklik hám awqamlaslıq qatnasıqların aldınǵı joqarı dárejedegi ushırasıwlarda erisilgen kelisimlerdi ámelge asırıw sheńberinde bunnan bılay da keńeytiw hám bekkemlew máseleleri kórip shıǵıldı.
Óz-ara sawda kólemi turaqlı artıp atırǵanı, sanaat, energetika, metallurgiya hám basqa da tarmaqlarda joybarlar tabıslı ámelge asırılıp atırǵanı qanaatlanıwshılıq penen atap ótildi.
Tovar almasıw pátin saqlap qalıw hám tiykarǵı tarmaqlarda kooperaciyalıq joybarlardı jedellestiriwge qaratılǵan muwapıqlastırılǵan ilajlardı qabıl etiw, sonday-aq, aymaqlar dárejesinde jedel baylanıslardı dawam ettiriw áhmietli ekenligi atap ótildi.
Jedel mádeniy-gumanitarlıq almasıwdı jáne de támiyinlewge ayrıqsha itibar qaratıldı.
Ózbekstan hám Rossiya basshıları xalıqaralıq áhmietke ie máseleler boyınsha da pikir alıstı.
Bul maǵlıwmat https://president.uz/oz/lists/view/9192 saytı'nan alındı.