Qaraqalpaqstan Respublikası Joqarǵı Keńesiniń komitet baslıǵı Sh.Otemisov basshılıǵında májilis ótkerildi.
2026-06-04 09:20:00 / Министрлик
Qaraqalpaqstan Respublikası Joqarǵı Keńesiniń komitet baslıǵı Sh.Otemisov basshılıǵında májilis ótkerildi.
Búgin Tórtkúl rayonında Qaraqalpaqstan Respublikası Joqarǵı Keńesi Komitet baslıǵı Sh.Otemisovtıń qatnasıwında áhmietli dodalaw bolıp ótti.
Onda Ózbekstan Respublikası Prezidentiniń 2026-jıl 21-fevraldaǵı "Qaraqalpaqstan Respublikasın 2026-jılda sociallıq-ekonomikalıq rawajlandırıw hám kelesi jıllarǵa mólsherlengen baǵdarlamalardı tastıyıqlaw haqqında"ǵı PQ-70-sanlı qararınıń Tórtkúl rayonında orınlanıwı, jergilikli Keńes deputatlarınıń máhálle jetiligi hám siyasiy partiyalar menen birgeliktegi jumısın shólkemlestiriw temaları kórip shıǵıldı.
Májiliste Ózbekstan Máhálleleri awqamı rayonlıq bóliminiń baslıǵı F.Nurumov, xalıq deputatları rayonlıq Keńesi sekretariatınıń baslıǵı, deputat B.Masharipov, deputatlar O.Nazarova, YU.Matjanova jáne siyasiy partiyalar hám Keńes sekretariatınıń juwapkerleri qatnastı.
Májilis dawamında Tórtkúl rayonın sociallıq-ekonomikalıq rawajlandırıw hám keleshektegi baǵdarlamalardıń orınlanıwın nátiyjeli shólkemlestiriw boyınsha óz-ara pikir alısıldı.