Tórtkúlde "Hadallıq atawları" baǵdarlaması sheńberinde gezektegi 3-seminar bolıp ótti
2026-06-03 15:00:00 / Министрлик
Tórtkúlde "Hadallıq atawları" baǵdarlaması sheńberinde gezektegi 3-seminar bolıp ótti
Tórtkúl rayonında "Ózbekstanda korrupciyaǵa qarsı milliy ekosistemanı bekkemlew" joybarı sheńberinde jergilikli mámleketlik hákimiyat uyımları xızmetkerleri ushın gezektegi oqıw seminarı shólkemlestirildi.
Bul seminar mámleketlik basqarıwda ashıq-aydınlıqtı támiyinlew hám korrupciyaǵa mawasasız qatnastı qáliplestiriwge qaratılǵan "Hadallıq atawları" baǵdarlamasın ámeliyatqa engiziwge baǵıshlandı.
Seminar dawamında mámleketlik xızmetkerler tárepinen "Qarar qabıl etiwde monopoliyanı sheklew, ashıq-aydınlıq hám esap beriwdi arttırıw jáne hadal miynetten keletuǵın paydanı arttırıw." "Jergilikli mámleketlik hákimiyat uyımlarınıń jumısında ashıq-aydınlıqtı hám esap beriwdi kúsheytiw" temalarında sóz boldı.
Maǵlıwmat ushın, Ózbekstanda bul metodologiya Ózbekstan Respublikası Korrupciyaǵa qarsı gúresiw agentligi hám BMSh Rawajlanıw baǵdarlamasınıń Evropa Awqamı tárepinen qarjılandırılıp atırǵan "Ózbekstanda korrupciyaǵa qarsı milliy ekosistemanı bekkemlew" birgeliktegi joybarı sheńberinde ámelge asırılmaqta