Tórtkúlde 1 726 shańaraqqa Qurban hayıtı bayram sawǵaları jetkerilmekte
2026-06-26 10:20:00 / Министрлик
Tórtkúlde 1 726 shańaraqqa Qurban hayıtı bayram sawǵaları jetkerilmekte
Ózbekstan Respublikası Prezidentiniń "Múbárek Qurban hayıtı múnásibeti menen xalıqtı mámleket tárepinen qollap-quwatlaw hám miyrim-shápáát ilajların nátiyjeli shólkemlestiriw haqqında"ǵı qararınıń orınlanıwın támiyinlew maqsetinde Tórtkúl rayonında keń kólemli qayırqomlıq ilajları baslandı.
Usı hújjetke tiykarlanıp, xalıqtı sociallıq-ekonomikalıq jaqtan qollap-quwatlaw hám bayram keypiyatın bólisiw maqsetinde rayondaǵı 1 726 járdemge mútáj shańaraq ushın bayram sawǵaları qáliplestirildi.
➤ "Vaqf" qayırqomlıq jámietlik fondı qarjıları esabınan tayarlanǵan, kúndelikli eń zárúr azıq-awqat ónimleri salınǵan bul saqawat qutıları házirgi waqıtta rayon juwapkerleri tárepinen óz ielerine sistemalı túrde jetkerip berilmekte.
Bunday ilajlar bayram aldınan rayonımızda miyrim-shápáát, awızbirshilik hám saqawat ortalıǵın jáne de bekkemlewge xızmet etpekte.