Tórtkúl rayonında "Sońǵı qońıraw" ilajları kóterińki ruwxta bolıp ótti
2026-05-25 10:00:00 / Министрлик
Tórtkúl rayonında "Sońǵı qońıraw" ilajları kóterińki ruwxta bolıp ótti
Búgin rayonımızdaǵı barlıq ulıwma bilim beriw mekteplerinde, atap aytqanda, Qánigelestirilgen mektepte de sońǵı qońıraw sesleri jańlap, pitkeriwshi jaslardı erkin turmısqa uzatıw máresimleri ótkerildi.
Ilajda Tórtkúl rayonı hákimi Ilxambay Xudaybergenov qatnasıp, pitkeriwshilerge Ózbekstan Respublikası Prezidentiniń bayram qutlıqlawın oqıp esittirdi hám jaslardıń keleshektegi ómir jollarında tabıslar tiledi.
✨Bıyılǵı jılı rayonda jámi pitkeriwshiler sanı: 3 694 ti qurap, 17 jaslar altın medal, 4 oqıwshılar gúmis medal ieleri boldı.
11 pitkeriwshi múddetinen aldın joqarı bilimlendiriw mákemeleriniń (JOO) studenti boldı.
Ilaj dawamında oqıw jılı dawamında joqarı nátiyjelerge erisken, jámietlik jumıslarda belsendilik kórsetip, zamanlaslarına úlgi bolıp kiyatırǵan bir topar qábiletli jaslar hám olardıń ata-anaları alǵısnamalar menen sıylıqlandı.
Bul joqarı nátiyjeler - ustazlardıń pidákerlik miyneti, ata-analardıń sheksiz isenimi hám jaslarımızdıń ilimge bolǵan joqarı ıqlasınıń úlgisi bolıp esaplanadı.
Úlken ómir bosaǵasına qádem qoyıp atırǵan barlıq pitkeriwshilerimizge aq jol tileymiz! Qádemińiz qutlı bolsın, áziz jaslar!