Tórtkúlde úlken pille qırmanı kóterilmekte
2026-05-23 10:00:00 / Министрлик
Tórtkúlde úlken pille qırmanı kóterilmekte
Pille jetistiriw - awıl xojalıǵınıń áhmietli tarmaqlarınan biri bolıp, ázelden xalqımız jipek qurtın baǵıw menen shuǵıllanıp keledi. Belgilengen qısqa múddetti óz ishine alǵan jipek qurtın baǵıw procesi úlken miynet hám jumısshı kúshin talap etedi. Hám qısqa múddet ishinde óz nátiyjesin kórsetedi.
2026-jılı "Tórtkúl Agro pille" JShJ tárepinen 30 máhálledegi 2700 shańaraqqa 1-3 qutıdan 3644 qutı tuqım tarqatılǵan bolıp, sonnan "Shoraxan"da 2 orında, "Báhár" máhállesinde, "Kelteminar" hám "Atayurt" sıyaqlı 5 aymaqta 5 den 15 qutıǵa shekem tuqım jámlesken halda baǵılıp atırǵan bolıp, sonnan jámi 220 tonna pille ónimin alıw ushın bel baylaǵan.
3644 qutınıń 300 qutısı bolsa rayondaǵı "Tazabaǵjap" APJda tuqımlıq ushın baǵılıp atır.
Aymaqlarda pille jetistirip atırǵan jumıstı úyge alıp islewshiler tárepinen pille ónimi qırmanına bereketli úles qosılmaqta. Tórtkúl rayonı hákiminiń orınbasarı I.Jumabaeva gúmis talshıq jetistiriwge úles qosıp atırǵan pillekeshlerdi júzim qırmanı procesi menen qutlıqlap, olardıń mol zúráát hám jaqsı dáramat alıwına tilek bildirdi.
Sonday-aq, pillekeshlerge bıyılǵı jılı pille jetistiriwshi jumıstı úyge alıp islewshiler ushın Prezidentimizdiń jáne bir áhmietli qararına muwapıq, endi pille tapsırıp bolınǵannan soń máhálle jetiligi kollegial qararına muwapıq jetistirilgen pille ushın 35 procent subsidiya qarjıları jumıstı úyge alıp islewshilerge tólep beriliwi boyınsha maǵlıwmat berildi.