Qádirli oqıwshılar, áziz mektep pitkeriwshileri!
2026-05-25 10:00:00 / Администрацияның баянатлары ҳәм сөйлеўлери
Húrmetli pitkeriwshiler!
Sizlerdi 25-may - "Sońǵı qońıraw" bayramı, mektepti pitkerip atırǵan umıtılmas hám tolqınlandırıwshı kún menen shın kewlimnen qutlıqlayman!
Búgin sizler ómirińizdegi áhmietli basqıshtı juwmaqlap, úlken ómirge qaray isenimli qádem qoymaqtasız. Mektepte alǵan bilim hám tárbiyańız, ustazlarıńızdıń miyneti hám ata-anańızdıń isenimi sizlerge keleshekte bekkem súenish bolıp xızmet etedi.
Áziz jaslar! Sizler - elimizdiń erteńgi kúni, Watanımızdıń rawajlanıwı hám xalqımızdıń abadanlıǵınıń isenimli dawamshılarısız. Keleshekte qaysı tarawdı tańlamań, bilimli, pidayı hám watansúyiwshi insan bolıp jetilisiwińizge isenemen.
Usı pursattan paydalanıp, sizlerge bekkem densawlıq, úlken tabıslar, jaqsı arzıw-nietlerińiz orınlanıwın tileymen. Ómir jolıńız hámiyshe jarıq, qádemińiz qutlı bolsın!
I.Xudaybergenov,
Tórtkúl rayonı hákimi