XALIQ DEPUTATLARI RAYONLIQ KEŃESINIŃ GEZEKTEGI 25-SESSIYASI BOLIP ÓTTI.
2026-05-22 17:00:00 / Министрлик
XALIQ DEPUTATLARI RAYONLIQ KEŃESINIŃ GEZEKTEGI 25-SESSIYASI BOLIP ÓTTI.
Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyada Xalıq deputatları rayonlıq Keńesiniń deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:
1. Tórtkúl rayonı aymaǵında "jasıl baǵ" shólkemlestiriw haqqında rayon hákiminiń orınbasarı A.Ganiev óziniń usınısın bildirdi.
2. Tórtkúl rayonı aymaǵında ayrıqsha jaǵdaylardıń aldın alıw hám olardı saplastırıw boyınsha 1-sherek dawamında ámelge asırılǵan jumıslar haqqında Ayrıqsha jaǵdaylar bólimi baslıǵı X.Egamovtıń málimlemesi.
3. Tórtkúl rayonı Elektr támiynatı shólkeminde korrupciyaǵa qarsı gúresiw hám korrupciyalıq faktorlardıń aldın alıw boyınsha kórilip atırǵan ilajlar haqqında rayon Elektr támiynatı kárxanasınıń baslıǵı M.Urazımbetov shıǵıp sóyledi.
Tórtkúl rayonında jańadan qurılǵan mámleketlik mektepke shekemgi bilimlendiriw shólkemin shólkemlestiriw haqqında:
- "Tashkent" MPJ aymaǵında jaylasqan Pedagogikalıq sheberlik orayı balansındaǵı burınǵı pedagogikalıq kolledj tiykarında jańa oqıw jılınan jańa ulıwma orta bilim beriw mektebin shólkemlestiriw haqqında;
- 72-sanlı ulıwma orta bilim beriw mektebin tamamlaw 62-sanlı ayrıqsha bilimlendiriwge mútájligi bolǵan aqılı zayıllı balalar ushın qánigelestirilgen járdemshi mektepke beriw haqqında;
- 62-sanlı ayrıqsha bilimlendiriwge mútájligi bolǵan aqılı zayıllı balalar ushın qánigelestirilgen járdemshi mektebiniń imaratın óziniń imaratına ie bolmaǵan rayondaǵı 23-sanlı mámleketlik mektepke shekemgi bilimlendiriw shólkemine turaqlı paydalanıw ushın beriw haqqında;
rayonlıq mektepke shekemgi hám mektep bilimlendiriwi bólimi baslıǵınıń orınbasarı
L.Kurbanbaevtıń shıǵıp sóylegen sózi tıńlandı.
Bayanatshılar shıǵıp sóylegen sózlerden keyin deputatlar hám sessiya qatnasıwshıları tárepinen tema boyınsha sorawlar, pikir-usınıslar bildirildi.
Xalıq deputatları rayonlıq Keńesiniń jigirma besinshi sessiyasınıń kún tártibindegi barlıq máseleler kórip shıǵıldı hám bildirilgen pikir-usınıslardı inabatqa alǵan halda tiyisli qarar joybarları tastıyıqlandı.
https://www.facebook.com/share/v/14g6Q19K2qy/