Qıtayǵa sapar sheńberinde áhmietli kelisimlerge erisilmekte
2026-05-19 14:00:00 / Министрлик
Qıtayǵa sapar sheńberinde áhmietli kelisimlerge erisilmekte
Qıtay mámleketinde bolıp turǵan Qaraqalpaqstan delegaciyası saparınıń gezektegi kúninde Sinczyan jeke isbilermenler federaciyasınıń baslıǵı Ling Wing penen ushırasıw ótkerdi.
Onda Joqarǵı Keńes Baslıǵı Amanbay Orınbaev Qaraqalpaqstannıń bar potencialı haqqında keń túrde maǵlıwmat berdi hám sincanlı isbilermenlerdi Qaraqalpaqstanǵa mirát etti.
Bunnan keyin, bir qatar kompaniyalardıń basshıları menen jasalma háwizlerde balıq jetistiriw hám akvakultura tarawı, paxta shiyki zatın jetistiriw hám qayta islew, boyan tamırın qayta islew hám dástúriy qıtay medicinası ónimlerin islep shıǵarıw, Qıtay bankiniń kreditleri esabınan tayar óndiris zavodın qurıw, mayning hám kriptovalyuta jumısı, medicina tarawında kadrlar tayarlaw hám emlew sıyaqlı baǵdarlar boyınsha sóylesiwler bolıp ótti.
Onda húrmetli Prezidentimiz tárepinen Qaraqalpaqstanda isbilermenlikti rawajlandırıw, investiciyalıq ortalıqtı jaqsılaw baǵdarında jaratılǵan imkaniyatlar haqqında maǵlıwmatlar berildi.
Onda húrmetli Prezidentimiz tárepinen Qaraqalpaqstanda isbilermenlikti rawajlandırıw, investiciyalıq ortalıqtı jaqsılaw baǵdarında jaratılǵan imkaniyatlar haqqında maǵlıwmatlar berildi.
Ushırasıwlar juwmaǵı boyınsha mayning hám kriptovalyuta jumısı menen shuǵıllanıw, gaz kondensatın qayta islew jumısın ámelge asırıw, metall konstrukciya hám qurılıs ónimlerin islep shıǵarıw, sawda, eksport-import hám logistika tarawlarında jámi 227 million AQSh dollarına teń joybarlardı ámelge asırıw boyınsha kelisimlerge erisildi.
Sonday-aq, awır hám arnawlı texnikalar islep shıǵarıwshı "China railway construction heavy industry Co., Ltd." kárxanası Qaraqalpaqstanda óziniń rásmiy servis xızmetlerin kórsetiwshi filialın ashıwǵa qarar etkenligin bildirdi.