Qaraqalpaqstan Respublikası Tórtkúl rayonı hákimligi

XALIQ DEPUTATLARI RAYONLIQ KEŃESINIŃ GEZEKTEGI 24-SESSIYASI BOLIP ÓTTI

Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyaǵa xalıq deputatları rayonlıq Keńesi, Joqarǵı Keńes deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:
Tórtkúl rayonın "korrupciyadan jıraq" aymaqqa aylandırıw, xalıq arasında korrupciyaǵa qarsı mawasasız ortalıq jaratıw boyınsha ilajlar baǵdarlamasınıń orınlanıwı haqqında rayon hákimi I.Xudaybergenovtıń bayanatı tıńlandı.
Tórtkúl rayonı hákimligine 2026-jıldıń 1-shereginde fizikalıq hám yuridikalıq táreplerden kelip túsken múrájatlar hám olardıń orınlanıwı hám rayon hákimliginde orınlaw tártibine ámel etiw jaǵdayı haqqında hámde Tórtkúl rayonı aymaǵında "jasıl baǵ" shólkemlestiriw haqqında rayon hákiminiń orınbasarı A.Ganievtiń usınısı haqqında rayon hákiminiń birinshi orınbasarı Z.Ismailov shıǵıp sóyledi.
Rayonlıq Salıq inspekciyası tárepinen 2026-jıldıń 1-sheregi dawamında ámelge asırılǵan jumıslar haqqında rayonlıq salıq inspekciyasınıń baslıǵı J.Annaev bayanat jasadı.
Bunnan soń shıǵıp sóylegen Tórtkúl rayonı "Suw jetkerip beriw mámleketlik mákemesi" direktorı A.Kadirov Tórtkúl rayonındaǵı fermer xojalıqları, klasterler hám basqa da suw tutınıwshılarına 2026-jıl vegetaciya dáwirinde suwǵarıw jumısları ushın ajıratılǵan suw limitin tastıyıqlaw haqqında hámde Ózbekstan Respublikası Prezidentiniń 2026-jıl 5-fevraldaǵı "Suw resurslarınan paydalanıw nátiyjeliligin arttırıw boyınsha qosımsha is-ilajlar haqqında"ǵı PQ-47-sanlı qararınıń Tórtkúl rayonında orınlanıwı haqqında bayanat jasadı.
Sessiyanıń gezektegi máselesi Jaslardıń intellektuallıq potencialın arttırıw, olardıń bos waqtın mazmunlı shólkemlestiriw hám huqıqıy sawatlılıǵın arttırıw, sonday-aq, bes áhmietli baslama sheńberindegi ilajlardı qarjılandırıw haqqında Jaslar isleri bólimi baslıǵı D.Gapurovtıń shıǵıp sóylegen sózi tıńlandı.
Rayonlıq ekonomika hám finans bólimi baslıǵınıń birinshi orınbasarı B.Matchanov óziniń shıǵıp sóylegen sózinde tómendegi temalarda maǵlıwmat berdi:
- Rayon jergilikli byudjetiniń 2026-jıl 1-sherektegi orınlanıwı haqqında;
- Xalıq deputatları Tórtkúl rayonlıq Keńesiniń 2026-jıl 27-marttaǵı VII--23-30-13-190-K/26-sanlı "Tórtkúl rayonı jergilikli byudjetiniń 2025-jıldıń erkin qaldıq qarjıları esabınan qarjı ajıratıw boyınsha rayon hákimliginiń usınısın kórip shıǵıw haqqında"ǵı qararına ózgerisler hám qosımshalar kirgiziw haqqında;
- Tórtkúl rayonında "Baslamalı byudjet" procesiniń 2026-jıl 1-sherek dawamında ámelge asırılǵan jumıslar boyınsha rayonlıq Ekonomika hám qarjı bóliminiń esabatı haqqında;
- Ózbekstan Respublikası Prezidentiniń 2025-jıl 30-yanvardaǵı "Xalıqtı sociallıq qorǵaw sistemasın qarjılandırıw tártip-qaǵıydaların jetilistiriw haqqında"ǵı PP-17-sanlı Pármanına tiykarlanıp shólkemlestirilgen "Infrastruktura hám sociallıq turaqlılıq" qorınıń qarjıları esabınan qarjı ajıratıw haqqında.
Respublikalıq Ruwxıy-aǵartıwshılıq orayı Tórtkúl rayonı bólimi baslıǵınıń 2026-jıl 1-sherek dawamında ámelge asırılǵan jumıslar boyınsha esabatı tıńlandı.

Kún tártibindegi gezektegi másele-rayonlıq Keńestiń jumısı, deputat sorawlarına óz waqtında juwap beriliwi, nátiyjeliligi hám nátiyjeliligi jaǵdayları haqqında Xalıq deputatları rayonlıq Keńesi sekretariatınıń baslıǵı
B.Masharipov bayanat jasadı.

Ózbekstan Respublikası Ministrler Kabinetiniń 2022-jıl 27-sentyabrdegi 529-sanlı qararı tiykarında aymaqlardaǵı barlıq máhállelerde "Máhálle baǵları"n jaratıw haqqında
Ózbekstan máhálleleri awqamı Tórtkúl rayonı bólimi baslıǵı wazıypasın atqarıwshı D.Alimov shıǵıp sóyledi.
Bayanatshılar shıǵıp sóylegen sózlerden keyin deputatlar hám sessiya qatnasıwshıları tárepinen tema boyınsha sorawlar, pikir-usınıslar bildirildi.
Xalıq deputatları rayonlıq Keńesiniń gezektegi sessiyasınıń kún tártibindegi barlıq máseleler kórip shıǵıldı hám bildirilgen pikir-usınıslardı inabatqa alǵan halda tiyisli qarar joybarları tastıyıqlandı.
https://www.facebook.com/share/v/14fCcHjNcnD/