Gúmis tala qırmanı
2026-05-18 16:00:00 / Министрлик
"Yаngi hayot" mákan puqaralar jıyını aymaǵında jasawshı xalıq ázelden diyqanshılıq hám pilleshilik tájiriybesin alǵan. Bul jerde kóp jıllardan berli usı tarawda mektep jaratqan, óz isiniń sheberi bolǵan pillekeshler kóp.
Mine, usınday aldınǵılardan biri - "Ibratlı shańaraq" kókirek belgisiniń iesi, pillekesh Ayxan apa Sultonova bolıp esaplanadı. Pille jetistiriw sırların qáyin enesinen úyrengen apa házirgi kúnde tek ǵana óz kelinlerine emes, al pilleshilik tarawına endi kirip kelgen jaslarǵa da ustazlıq etpekte.
Pille qurtı tap jas baladay boladı, degen durıs gáp. Sebebi, bir ǵana noqat bolıp turǵan tuqımnan úlken pille qırmanın jaratıw procesi pillekeshten úlken kúsh hám sheberlikti talap etedi.
Óz ornında pilleshilik tarmaǵı máhálle xalqınıń bántligin támiyinlew hám shańaraqlardıń dáramatın arttırıwda úlken áhmietke ie bolmaqta. Atap aytqanda, Aykhan apanıń shańaraǵı da bul máwsimde jaqsı dáramat alıwdı rejelestirgen.
Rayon hákiminiń orınbasarı I.Jumabaeva pillekeshlerdiń qırmanına bereket tilep, óziniń jıllı pikirlerin bildirdi.
"Hásher - elge jarasar," degenindey, búgingi qırman teriw máresiminde jas hám jası úlken, qońsı-qobalar Ayxan apanıń shańaraǵına jıynalǵan. Mashaqatlı, biraq maqtanıshlı miynet etip atırǵan Tórtkúl pillekeshleriniń háreketleri joqarı zúráátlilikke tiykar jaratpaqta.
Rayon hákiminiń orınbasarı I.Jumabaeva pillekeshlerdiń qırmanına bereket tilep, óziniń jıllı pikirlerin bildirdi.
"Hásher - elge jarasar," degenindey, búgingi qırman teriw máresiminde jas hám jası úlken, qońsı-qobalar Ayxan apanıń shańaraǵına jıynalǵan. Mashaqatlı, biraq maqtanıshlı miynet etip atırǵan Tórtkúl pillekeshleriniń háreketleri joqarı zúráátlilikke tiykar jaratpaqta.