Tórtkúlde diniy dogmatizm hám ekstremizmge qarsı úgit-násiyat ilajı ótkerildi
2026-05-12 14:00:00 / Министрлик
Tórtkúlde diniy dogmatizm hám ekstremizmge qarsı úgit-násiyat ilajı ótkerildi
Qaraqalpaqstan Respublikası Ministrler Keńesi tárepinen tastıyıqlanǵan jumıs-rejesine muwapıq, Tórtkúl rayonında diniy aqidaparastlıq, ekstremizm hám terrorizm qáwip-qáterleriniń aldın alıwǵa qaratılǵan úgit-násiyat ilajı bolıp ótti.
Ilajdıń tiykarǵı maqsetleri jámiette, ásirese, bilimlendiriw mákemelerinde sergeklikti arttırıw, jaslardı jat ideyalar tásirinen qorǵaw jáne diniy keńpeyillik hám tınıshlıqtı bekkemlewden ibarat.
Rayon hákimliginiń májilisler zalında bolıp ótken májilisti rayon hákiminiń orınbasarı I.Jumabaeva alıp bardı.
Ilajda Ózbekstan Respublikası Din isleri boyınsha komiteti Qaraqalpaqstan Respublikası aymaqlıq basqarmasınıń bas qánigesi Nurulla Jamalov hám hayal-qızlar boyınsha jetekshi qánige Xurayım Ibragimovalar shıǵıp sóylep, tema boyınsha tolıq maǵlıwmat hám analitikalıq pikir-usınısların bildirdi.