9-MAY - ESLEW HÁM QÁDIRLEW KÚNI MÚNÁSIBETI MENEN RAYON HÁKIMINIŃ BAYRAM QUTLÍQLAWÍ.
2026-05-09 09:00:00 / Администрацияның баянатлары ҳәм сөйлеўлери
9-MAY - ESLEW HÁM QÁDIRLEW KÚNI MÚNÁSIBETI MENEN RAYON HÁKIMINIŃ BAYRAM QUTLÍQLAWÍ.
Qádirli watanlaslar!
Húrmetli veteranlar!
Bárinen burın, Sizlerdi, sizler arqalı kóp milletli pútkil Tórtkúl rayonı xalqın búgingi qutlı áyyyam - Eslew hám qádirlew kúni jáne Ekinshi jer júzilik urısta erisilgen tariyxıy jeńistiń 81 jıllıǵı menen shın kewlimnen qutlıqlayman.
Bul dańqlı sáneni belgileymiz, kóz aldımızda, bárinen burın, insaniyat basına kelgen eń qorqınıshlı urısta Watan azatlıǵı hám tınıshlıǵı jolında janın pidá etken ata-babalarımız, front artında mashaqatlı miynet etken watanlaslarımızdıń muqaddes esteligi turadı. Olardıń kórsetken ullı mártligi tariyx betlerine altın háripler menen mórlengen bolıp, biz áwladlar ushın joqarı ibrat mektebi bolıp esaplanadı.
Áziz veteranlar!
Búgin aramızda saw-salamat, duwagóy bolıp júrgen Sidek teberik insanlarǵa joqarı húrmet kórsetiw biz ushın parız. Turmıstıń awır ashshı sınaqların mártlik penen jeńip ótken Siz ázizlerdiń elimizdi hár tárepleme rawajlandırıw, Watanǵa muhabbat hám sadıqlıq ruwxında tárbiyalawǵa qosıp atırǵan múnásip úlesińizdi xalqımız joqarı qádirleydi.
Sizlerdiń pidákerlik xızmetlerińiz hám ullı qaharmanlıǵıńız aldında bárqulla bas iyip tájim etemiz.
Qádirli watanlaslar!
Pursattan paydalanıp, bársheńizge bekkem densawlıq, shańaraqlıq tınıshlıq, qut-bereket tileymen. Elimiz tınısh, aspanımız ashıq bolsın!
Bayramıńız múbárek bolsın!
Húrmet penen,
Tórtkúl rayonı hákimi I. Xudaybergenov