"JAŃA ÓZBEKSTANNÍŃ IBRATLI SHAŃARAǴÍ" TAŃLAWÍNÍŃ JEŃIMPAZLARÍ ANÍQLANDÍ
2026-05-01 14:00:00 / Министрлик
"JAŃA ÓZBEKSTANNÍŃ IBRATLI SHAŃARAǴÍ" TAŃLAWÍNÍŃ JEŃIMPAZLARÍ ANÍQLANDÍ
Jámiette shańaraqlıq qádiriyatlardı bekkemlew, úlgili shańaraqlardıń tájiriybesin ǵalaba en jaydırıw hám salamat ruwxıy ortalıqtı úgit-násiyatlaw maqsetinde Tórtkúl rayonında "Jańa Ózbekstannıń ibratlı shańaraǵı" tańlawınıń rayon basqıshı joqarı dárejede ótkerildi.
Shańaraq hám hayal-qızlar bólimi hám birge islesiwshi shólkemler tárepinen shólkemlestirilgen bul tańlawda rayondaǵı eń úlgili, tatıw hám jámietlik turmısta belsendi bolǵan shańaraqlar óz-ara bellesti. Qatnasıwshılar ózleriniń shıǵıp sóylewlerinde shańaraqlıq dástúrler, perzent tárbiyası hám jámiettiń rawajlanıwına qosıp atırǵan úleslerin sheberlik penen kórsetti.
Tóreshiler quramı juwmaǵına bola, jeńimpazlar tómendegishe anıqlandı:
1-orın - Xajievler shańaraǵı;
️ 2-orın - Tájibaevlar shańaraǵı;
️ 3-orın - Dosmuratovlar shańaraǵı.
Jeńimpaz hám sıylı orın ieleri shólkemlestiriwshiler tárepinen húrmet jarlıǵı hám bahalı estelik sawǵaları menen sıylıqlandı.