"Salamat turmıs ushın 5000 qádem" marafonı ótkerildi
2026-04-29 14:00:00 / Министрлик
"Salamat turmıs ushın 5000 qádem" marafonı ótkerildi
Tórtkúl rayonı oraylıq oyın maydanında xalıq arasında salamat turmıs tárizin úgit-násiyatlaw maqsetinde "Salamat turmıs ushın 5000 qádem" súreni astında marafon bolıp ótti.
Bul sport ilajında máhállelerdegi jámlespegen jaslar, jaslar jetekshileri jáne túrli kárxana hám shólkemlerdiń wákilleri belsene qatnastı. Marafon sheńberinde orınlanǵan jámáátlik dene tárbiya shınıǵıwları qatnasıwshılarǵa kóterińki keypiyat baǵıshladı. Ilaj dawamında qánigeler tárepinen fizikalıq belsendiliktiń insan salamatlıǵı ushın qanshelli áhmietli ekenligi jáne bir márte atap ótildi.