Tórtkúlde "Bes baslama paralimpiadası" sport jarısları ótkerildi
2026-04-18 14:00:00 / Министрлик
Tórtkúlde "Bes baslama paralimpiadası" sport jarısları ótkerildi
Ózbekstan Respublikası Prezidentiniń PQ-389-sanlı qararınıń orınlanıwın támiyinlew hámde mayıplıǵı bolǵan shaxslardı sportqa keńnen tartıw arqalı olardı fizikalıq hám sociallıq reabilitaciyalaw maqsetinde, Tórtkúl rayonında "Bes baslama paralimpiadası" sheńberinde ǵalabalıq sport jarısları bolıp ótti.
Rayondaǵı máhállelerdegi sporttı súyiwshi jaslar hám puqaralardı birlestirgen bul jarıslar para jeńil atletika, para badminton, para stol tennisi, armrestling, shaxmat sport túrleri boyınsha ótkerildi.
Jarıslar joqarı kóterińkilik hám kúsh-ǵayrat astında ótti. Qatnasıwshılar óz erk-ıqrarı hám mártligin kórsetip, jámiette sport tosqınlıqlardı jeńip ótiw ushın eń jaqsı qural ekenin jáne bir márte dálilledi.
Ilaj juwmaǵında sıylı orınlardı ielegen jeńimpaz hám sıylı orın ieleri shólkemlestiriwshiler tárepinen arnawlı sport kiyimleri hám estelik sawǵaları menen sıylıqlandı.