Alıs aymaqtaǵı ushırasıw: Bilim hám maqsetler birlesken mánzil
2026-04-16 15:00:00 / Министрлик
📚 Alıs aymaqtaǵı ushırasıw: Bilim hám maqsetler birlesken mánzil
Rayon orayınan 80 kilometr uzaqlıqta jaylasqan mektepte rayon hákimi I.Xudaybergenov pitkeriwshi klass oqıwshıları menen júzbe-júz sáwbetlesip, jaslardıń erteńgi kúnge bolǵan isenimi hám arzıw-nietleri menen qızıqtı.
Ushırasıw tek ǵana pikirlesiw emes, al keleshek liderleri ushın haqıyqıy motivaciya dáregine aylandı.
Óz zamanlaslarına úlgi bolıp kiyatırǵan, ilimge qushtar jaslarǵa kitaplar toplamı usınıldı.
Sawǵa etilgen kitaplar arasında Respublikalıq Ruwxıylıq hám aǵartıwshılıq orayınıń basshısı Otabek Xasanovtıń "Liderler" shıǵarması ayrıqsha itibar orayında boldı. Ushırasıw dawamında kitap avtorı menen telefon arqalı baylanısıp, jaslar ushın áhmietli jańalıq járiyalandı.
Bul kitap boyınsha arnawlı tańlaw ótkerilmekte hám jeńimpazlardı ayrıqsha sawǵalar kútpekte!